Tímabært að sækja um
Vonandi hafa sem flestir orðið varir við auglýsingar frá AVS sjóðnum varðandi fresti til að sækja um styrki til rannsókna- og þróunarverkefna og þorskkvóta til áframeldis. Allar upplýsingar um styrki og hvernig standa skuli að umsóknum eru að finna á heimasíðu AVS og er mjög mikilvægt að allir fylgi þeim leiðbeiningum sem þar eru að finna.
Hraðvirkar örverumælingar
Örverumælingar samkvæmt hefðbundnum aðferðum krefjast nokkurs biðtíma meðan verið er að rækta örverur á sérhæfðum ætum yfirleitt 3-4 daga og jafnvel lengur. Það væri mikill kostur fyrir allan matvælaiðnað og sérstaklega fiskiðnað þar sem verið er að selja ferskan fisk með mjög takmarkað geymsluþol að fá aðferðir sem gætu gefið svör um örverumengun á styttri tíma.
Sæbjúgu – Gingsen hafsins
Við strendur Íslands er fjölbreytt lífríki, sem einungis er nýtt að litlum hluta, og margar tegundir þar að finna sem Íslendingum finnst fráleitt að leggja sér til munns. En í Asíu er flest það sem úr hafinu kemur borðað og margt af því sem Íslendingum býður við hreint lostæti að mati Asíubúa. Ein þessara tegunda er sæbjúga og hefur AVS styrkt verkefni sem stuðlar að nýtingu og vinnslu þessarar tegundar.
Sjávarútvegsráðherra kynnir starfsemi AVS
Sjávarútvegsráðherra Einar Kristinn Guðfinnsson hélt blaðamannafund í dag og var hann haldinn í HB-Granda á Grandagarði. Einar kynnti starfsemi sjóðsins á árinu 2005 og fór yfir helstu tölur í starfsemi sjóðsins síðastliðin þrjú ár. Einar vakti athygli á þeim mikla krafti sem AVS sjóðurinn hefur leyst úr læðingi á sviði rannsókna og þróunar í íslenskum sjávarútvegi.
Bætt vinnslutækni skilar hærri verðum fyrir ígulkerjahrogn
Fyrirtækið Gullker ehf í Stykkishólmi fékk stuðning frá AVS til að kanna hvort markaður væri fyrir íslensk ígulkerjahrogn í Bandaríkjunum og hvort Japansmarkaður hefði breyst frá því að hann hrundi fyrir um 15 árum síðan.
Þorskkvóti til áframeldis
Innan skamms verður auglýst eftir umsóknum í aflaheimildir til áframeldis á þorski. Umsóknum þarf að skila til sjóðsins í síðasta lagi 23. janúar 2006. Þetta er í fimmta sinn sem úthlutað verður kvóta til áframeldis.
Mælir raka í fiskimjöli
Intelscan örbylgjutækni ehf fékk styrk frá AVS sjóðnum til að markaðssetja rakamælitæki fyrir fiskimjöl. Mælitækið mælir rakastig mjölsins samstundis og án nokkurrar snertingar, sem gerir framleiðendum fiskimjöls kleift að hafa mun betri stjórn á rakainnihaldi mjölsins.
Vinnsluspá
Sveinn Margeirsson, doktorsnemi við Háskóla Íslands og starfsmaður Rannóknastofnunar fiskiðnaðarins hefur verið að vinna í tveimur AVS verkefnum sem miða að því að tengja saman þætti sem hafa áhrif á vinnslunýtingu þorsks við uppruna afla. Sveinn kynnti nýlega doktorsverkefni sitt ,,Vinnsluspá þorskafla“ fyrir stjórnendum samstarfsfyrirtækjanna. Verkefnið felur í sér rannsóknar- og þróunarvinnu sem hefur það langtímamarkmið að auka arðsemi þorskvinnslu.
Stöðugar framfarir í framleiðslu þorskseiða.
Hjá Hafrannsóknastofnun á Stað við Grindavík er unnið að því að framleiða þorskseiði til aleldis í sjókvíum. AVS hefur styrkt verkefnið og undanfarin þrjú ár hefur framleiðslan verið í kringum 200 þúsund seiði á ári. Með uppskölun á núverandi framleiðni væri hægt að framleiða 6 milljónir seiða á ári í einni 5.000 m2 eldisstöð en það er efniviður í meira en 20 þúsund tonn af þorski.
Náttúruleg örverudrepandi efni úr fiskum
Meðal verkefna sem AVS styrkti árið 2003 var verkefnið náttúruleg örverudrepandi efni úr fiskum. Markmið þessa verkefnis var að einangra og greina efni úr ýmsum líffærum þorsks sem gætu haft bakteríudrepandi virkni. Einnig er stefnt að því að þróa aðferðir til nýtingar þessara efna í fiskeldi til að koma í veg fyrir sýkingar.
Loðnulýsi í salatsósuna
Að undanförnu hefur Margrét Bragadóttir matvælafræðingur hjá Rannsóknastofnun fiskiðnaðarins unnið að því að kanna mögulega notkun á loðnulýsi til manneldis. Verkefnið var fjármagnað af AVS og Rf. Margrét kynnti niðurstöður sínar nýverið á ráðstefnu WEFTA ( West European Fish Technologists Assosiation) í Antwerpen í Belgíu.
Lengi býr að fyrstu gerð
Forvarnir í fiskeldi er eitt af stóru verkefnunum sem AVS rannsóknasjóðurinn hefur styrkt. Meginmarkmið verkefnisins er að auka lifun hrogna og lirfa í eldi þorsks og lúðu. Mikilvægt er að þekkja jákvæða og neikvæða líf- og efnafræðilega þætti í eldinu svo mögulegt sé að hafa jákvæð áhrif á afkomu lifra.
Lífvirk efni í íslensku sjávarfangi
AVS styrkti verkefni til að taka saman upplýsingar um lífvirkni í íslensku sjávarfangi, með það að markmiði að kanna möguleika á vinnslu og sölu markfæðis og lífvirkra efna.
Prófanir á sjálfvirkri pökkun á ferskum fiskflökum og bitum ganga vel
HB Grandi hf og Valka ehf hafa frá í byrjun desember á síðasta ári unnið að þróun á tækjabúnaði til að pakka sjálfvirkt ferskum flökum og flakabitum í pakkningar af fastri þyngd með lágmarks yfirvigt en verkefnið hefur verið stutt af AVS-sjóðnum.
Geymsluþol ferskra flaka lengist til muna
Skaginn hf á Akranesi og Rannsóknastofnun fiskiðnaðarins fengu styrki úr AVS og Rannsóknasjóði til að gera rannsóknir á afurðum unnum á nýrri vinnslulínu sem Skaginn hf hefur þróað og smíðað.
Rf á Ísafirði með stórt þorskeldisverkefni í undirbúningi
Íslenskt sjávarfang kynnt í Malasíu
Útflutningsfyrirtækið Triton ehf fékk styrk frá AVS til að kynna íslenskt sjávarfang í Kuala Lumpur í Malasíu. Boðið var til veislu á Sheraton hóteli þar í borg og kom fjöldi manns til að kynna sér og bragða á þeim afurðum sem voru á boðstólunum þessa 10 daga sem kynningin stóð yfir.
Ný beituframleiðsluvél
Fyrirtækið Ísagn ehf. á Akranesi fékk styrk frá AVS rannsóknasjóðnum til að þróa og smíða nýja gerð af beituframleiðsluvél. Lokið hefur verið við smíði frumgerðar vélarinnar og var hún gangsett með viðhöfn í þann 4. ágúst sl. Impra styrkti þetta verkefni einnig og er þetta í fyrsta sinn sem AVS og Impra taka höndum saman og styrkja verkefni í sameiningu.
Kræklingaræktendur vinna saman að rannsóknum og þróun.
Í lok árs 2003 fengu Samtök íslenskra kræklingaræktenda (SÍK) styrk frá AVS til að vinna að ýmsum þróunarverkefnum varðandi kræklingrækt. Megin markmið verkefnisins var að ná tökum á uppskeru og vinnslu kræklings, sem er ræktaður við strendur Íslands.
Lesa nánarÞorskeldisráðstefna 6-8 september 2005
Hitastig í frystigeymslu tryggir gæðin
AVS styrkti verkefni sem fól í sér greiningu á hitadreifingu í frystiklefum og gámum, en nokkuð algengt er að ekki er gætt nægjanlega vel að geymslum frystiafurða. Ef frystar afurðir og þá einkum lausfrystar afurðir verða fyrir miklum hitasveiflum þá rýrir það gæði afurðana mjög fljótt, íshúð hverfur, fiskstykkin þorna og mikið hrím myndast í umbúðunum.
Úthlutun styrkja AVS rannsóknasjóðs liggja nú fyrir
Sjávarútvegsráðherra hefur samþykkt tillögur stjórnar AVS rannsóknasjóðsins um úthlutun styrkja að upphæð um 206 milljónir króna til 54 verkefna, alls var sótt um tæpar 400 milljónir til verkefna sem áætlað var að kostuðu einn milljarð króna.. AVS rannsóknasjóðurinn hefur 220 milljónir til ráðstöfunar á þessu ári.
Lesa nánar
Lágmörkun orkunotkunar í fiskiskipum með markvissri stýringu
AVS hefur stutt þróun MAREN orkustjórnunarkerfis fyrir fiskiskip. Kerfið safnar saman upplýsingum frá öllum helstu orkunotendum í skipum og greinir notkun orku. Beitt er fullkomnum tölvulíkönum af skipunum til að vinna með gögnin og finna leiðir til að spara orku. En þar sem öll orka um borð í skipum er fengin með brennslu jarðefnaeldsneytis þá er á sama tíma verið að lágmarka útblástur gróðurhúsalofttegunda um leið og ávinningur útgerðar felst í sparnaði við eldsneytiskaup.
Lífvirk efni úr íslenskum sjávarlífverum
AVS rannsóknasjóðurinn styrkti verkefni sem hafði það m.a. að markmiði að kanna hvernig best væri að byggja upp þekkingu og færni á svið rannsókna og vinnslu lífvirkra efna úr sjó og sjávarfangi á Íslandi.
Er nægur kraftur í íslenskum sæbjúgum?
Rannsóknastofnun fiskiðnaðarins fékk forverkefnisstyrk frá AVS rannsóknasjóðnum til að setja upp mælingar á tveimur lífvirkum efnum í íslensku sjávarfangi. Við Íslandsstrendur finnst fjölbreytt lífríki sem í dag er einungis nýtt að hluta. Á Rannsóknastofnun fiskiðnaðarins er unnið að nokkrum verkefnum þar sem stefnan er að kanna svonefnda lífvirkni (bioactivity) sjávarafurða en lífvirkni er forsenda þess að mögulegt sé að markaðssetja vörur sem markfæði (functional food).
Geymsla og flutningur á lifandi leturhumri
Frumkvöðlasetur Austurlands ehf fékk forverkefnisstyrk frá AVS rannsóknasjóðnum til að kanna möguleika á að veiða, geyma og flytja lifandi humar á hagkvæman hátt. Helstu aðferðir við veiðar, geymslu og flutning voru skoðaðar og einnig var kannað hver staða lifandi humars er á helstu mörkuðum.
Marel róbóti í fiskvinnslu
Marel hf hefur verið að vinna að verkefninu ? Ný kynslóð vinnslutækni fyrir hvítfisk?, sem styrkt var af AVS rannsóknasjóðnum. Með verkefninu hefur Marel hf. tekið fyrstu skrefin við innleiðingu róbótatækni fyrir fiskvinnslu, en róbótavæðing í matvælavinnslu hefur að undanförnu verið til skoðunar innan fyrirtækisins.
Úthlutun aflaheimilda til tilrauna í áframeldi á þorski.
Mikill áhugi á AVS rannsóknasjóðnum
Þegar frestur til að skila umsóknum í rannsókna- og þróunarverkefni rann út þann 1. febrúar s.l. höfðu um 80 umsóknir borist. Sótt er um til eins árs í senn og samkvæmt upplýsingum í umsóknunum er gert ráð fyrir að kostnaður verkefnanna sé um 1 milljarður króna, en samtals er sótt um tæpar 400 milljónir.
