Frostþurrkun sjávarfangs, spennandi kostur
Frostþurrkun matvæla er vel þekkt framleiðsluaðferð, en hefur aldrei verið stunduð hér á landi. Rækja hefur verið seld til fyrirtækja erlendis sem framleiða frostþurrkaðar afurðir, en þessi framleiðsluaðferð þykir henta vel til að varðveita viðkvæmar vörur. AVS sjóðurinn styrkti Rannsóknastofnun fiskiðnaðarins til að gera nokkrar tilraunir með að frostþurrka sjávarfang.
Aukinn stuðningur við fiskeldi
Til þess að þorskeldi geti verið samkeppnishæft í framtíðinni þá er nauðsynlegt að byggja um eldisstofn. Söfnun á efniviði til kynbóta hefur staðið yfir síðastliðin þrjú ár með stuðningi AVS sjóðsins. Framundan er mjög kostnaðarsöm vinna og nauðsynlegt er að tryggja fjármögnun þessa verkefnis til lengri tíma. Einnig er gert ráð fyrir auknu framboði af bleikju á næstu árum og því nauðsynlegt að efla markað- og sölustarf bleikjunnar. Haldinn var blaðamannafundur í dag þar sem tillögur til stuðnings fiskeldis voru kynntar.
Lesa nánar
Lúðueldi í landi
Á síðastliðnu ári hófst verkefnið “Samkeppnishæft lúðueldi í strandeldisstöðvum” sem AVS sjóðurinn styrkti. Í verkefninu er stefnt að því að kanna flesta þá þætti sem hafa áhrif á árangur í eldi.
Hverra þorska ert þú væni?
Árið 2005 styrkti AVS sjóðurinn tveggja ára samvinnuverkefni líftæknifyrirtækisins Prokaria og Hafrannsóknastofnunarinnar (Hafró) en markmið verkefninsins er að búa til öflug erfðagreiningasett fyrir þorsk. Mikilvægur árangur hefur náðst á fyrra verkefnisárinu og búið er að birta vísindagrein um fyrstu niðurstöður verkefninsins í tímaritinu Molecular Ecology Notes
Lesa nánar
